बुढिनन्दा–४ मा आगलागी दुई परिवारलाइ, INF Nepal बाजुरा शाखा, द्वारा राहत सामग्री वितरण
मंसिर ४ र ८ गते क्रमशः भएको आगलागी बाट बुढिनन्दा नगरपालिका वडा नं–४, कुरु गाउ का प्रतिक्षा रोकाया र त्यसै वडा का भावन गाउ बासी सगुने रोकाया को घर पुर्ण रूपमा जलेको छ । आगोलागीबाट दुबै परिवारका खाद्यान्न, लत्ताकपडा लगायतका घरायसी सामग्रीहरू सम्पूर्ण जलेर नष्ट भएका छन् ।
कोल्टी बजार बाट ४ घण्टा को पैदल यात्रा लाग्ने यो गाउमा अधिकांश मानिसहरुका खरको छानो भएका घरहरु रहेका छन् । यो समयमा घाँस काट्ने काम मा व्यस्त यस ठाउका मानिसहरुले विहानाको समयमा दाल जन्य खानेकुरा पकाउन छाडेर काम मा जाने र बाल बच्चा लाइ घरमा छाड्ने प्रविधि भएको कारणले गर्दा यस्तो घटनाहरु बढ्दो छ ।
आगो प्रभावित २ परिवारको अवस्था असाहाय बनेपछि INF Nepal को साझेदारी र Tearfund को आर्थिक सहायोगमा संचालीत GREEN परियोजना ले तत्काल आवश्यक पर्ने राहत सामग्रीहरू वितरण गरेको छ । राहत अन्तर्गत प्रभावित परिवारको आवश्यकता बमोजिम सम्वन्धीत वडा कार्यालय संग समन्वय र सहकार्यमा उनीहरुको आवश्यकता अनुसार लत्ताकपडा, दैनिक उपभोग्य सामग्री तथा अस्थायी बसोबासका लागि आवश्यक वस्तुहरू प्रदान गरिएको छ ।
राहत वितरणका क्रममा INF Nepal का प्रतिनिधि, सम्बन्धित वडा का वडा अध्यक्ष तथा समुदायका व्यक्तिहरूको सहभागिता रहेको थियो । आइ एन एफ नेपालले त्यस वडा मा काम गर्दै आइ राखेको र कुरुमा १ जना विपद्ध जोखिम न्युनिकरण सहजकर्ता छनौट गरको हुनाले उनको सहयोग मा पिडितलाइ संस्थाले घटना पश्चात तत्काल राहात सामाग्री बितरण गरेको थियो । स्थानीय तहका अनुसार आगलागीका घटनामा मानवीय क्षति नभए पनि घरभित्रका सम्पूर्ण सामान जलेर नष्ट भएपछि परिवारहरू अत्यन्तै प्रभावित भएका छन् । छोटो समयमा आइ एन एफ नेपाल बाट सहयोग प्राप्त भएको मा दुवै परिवारले र वडा अध्यक्षले संस्थालाइ धन्यवाद व्यक्त गर्नु भएको छ ।
स्थानीय सरकार तथा सरोकारवाला निकायले आगलागी पीडित परिवारहरूलाई आवश्यकता अनुसार थप समन्वय र सहयोग गर्न प्रतिबद्ध रहेको आइ एन.एफ बाजुरा शाखाले जानकारी दिएको छ ।
आई एन एफ नेपाल बाजुरा शाखा द्वारा आगलागी पिडित लाई राहत वितरण

