एजेन्सी । बलिउड अभिनेता गोविन्दा र उनकी पत्नी सुनीता आहुजा तलाकको खबरबीच बुधबार गणेश चतुर्थीको अवसरमा सँगै देखिएका छन्।दुवैले मिडिया र फोटोग्राफरहरूको अभिवादन गर्दै तलाकका खबरबारे मौनता तोडे।
सुनीता आहूजाले के भनिन् ?
ANI सँग कुरा गर्दै सुनीताले भनिन्– “यदि केही भएको भए त हामी आज यति नजिक हुने थिएनौँ, यदि हाम्रो बीच दूरी हुने भए। हामीलाई कोही पनि अलग पार्न सक्दैन, चाहे भगवान् नै किन न आउन्। मेरो गोविन्दा केवल मेरो हो, अरू कसैको होइन। जबसम्म हामी आफैं केही भन्दैनौं, कृपया यस्ता कुरा नफैलाउनुहोस्।”
त्यसैगरी, यस अवसरमा गोविन्दाले भने– “जे पाएको छु, त्यो आमाको आशीर्वाद हो। तपाईंहरूले मलाई कहिल्यै कुनै स्त्रीको विरोध गरेको देख्नुहुने छैन। घर-परिवारमा म सधैं आमालाई प्रार्थना गर्छु कि चाहे कस्तो स्टारडम मिलोस्, चाहे कति पैसा आए पनि, तर पुरुषलाई कर्म भगवान् दिन्छन् र भाग्यकी देवी श्री हुन्छिन्।’
गोविन्दा र सुनीता आहूजाको तलाकको अफवाह गएको शुक्रबार अर्थात् २२ अगस्टदेखि चर्चामा थियो। यो तब सुरु भयो जब हाउटरफ्लाईले आफ्नै एक रिपोर्टमा दाबी गरेको थियो कि सुनीता आहूजाले ५ डिसेम्बर २०२४ मा बान्द्रा फ्यामिली कोर्टमा तलाकको मुद्दा दायर गरेकी थिइन्।
रिपोर्ट अनुसार, सुनीताले हिन्दू म्यारिज एक्ट १९५५ को दफा १३ (१) (i), (ia), (ib) अन्तर्गत तलाकका लागि निवेदन दिएकी छन्। यसको अर्थ तलाकका आधार ‘व्यभिचार’ (अन्य महिलासँग शारीरिक सम्बन्ध), ‘क्रुरता’ र ‘डिजर्शन’ (बिना कारण पार्टनरलाई छोड्नु) देखाइएको हो। सुनिताले श्रीमानमाथि अन्य महिलासँग सम्बन्ध राखेको आरोप लगाएको भनिएको थियो ।
रिपोर्टमा दाबी गरिएको थियो कि कोर्टले गोविन्दालाई पेश हुन नोटिस पठाएको थियो, तर उनले व्यक्तिगत रूपमा उपस्थित भएका थिएनन्, जबसम्म मे २०२५ मा शो-कज नोटिस जारी गरिएको थिएन। जुन २०२५ देखि दुवैजनाले कोर्टद्वारा अनिवार्य गरिएको काउन्सलिङ सेसनमार्फत मामिला सुल्झाउने प्रयास गरिरहेका छन्।
तर, २२ अगस्टमै गोविन्दासँग नजिकको एक स्रोतले दैनिक भास्करसँग कुरा गर्दै यी खबरहरूको खण्डन गरेको थियो। गोविन्दाका म्यानेजरले यो पनि भनेका थिए कि “केही मानिसहरूले यस्ता झूटा कथा फैलाएर फाइदा उठाउन खोजिरहेका छन्।”
त्यसैगरी गोविन्दाका वकिलले पनि कपलसँग सम्बन्धित तलाकको खबरलाई खारेज गरेका थिए। NDTV सँग कुरा गर्दै गोविन्दाका वकिल ललित बिन्द्राले स्पष्ट पारेका थिए– “कुनै केस छैन, सबै कुरा सुल्झिरहेको छ। यो सब मानिसहरूले पुराना कुरा उठाएर हालिरहेका छन्।”
त्यसैगरी, गोविन्दाकी छोरी टीनाले पनि डिभोर्सको खबरलाई अस्वीकार गरेकी थिइन्। हिन्दुस्तान टाइम्ससँग कुरा गर्दै जब उनलाई उनका आमाबुबाको डिभोर्सका खबरबारे सोधियो, टीनाले भनिन्– “यो सब अफवाह हो।” उनले थपिन्– “म यस्ता अफवाहमा ध्यानै दिँदिन।”
