बाजुरा गौमुल गाउँपालिका–६ सटेडाका नरि चँदाराको गोठमा हिजो राति बाघ पसेर १५ वटा बाख्रा मारिदिएको छ । स्थानियका अनुसार गोठमा रातिको करिब १२ बजेतिर बाघ प्रवेश गरेको र बिहान गोठ हेर्न जाँदा सबै बाख्रा मृत अवस्थामा भेटिएकाे चदाराले बताए । उनका अनुसार ७ बाख्रा गाेठमा मृत भेटीएका र ८ बाख्रा गाेठमा नरहेकाे बताएका छन ।
पीडित नरि चँदाराले भने, “एकै पटक १५ वटा बाख्रा मरेपछि परिवार दुःखमा परेको छ । केही वर्षदेखि पालेका बाख्रा नै आम्दानीको मुख्य स्रोत थियो,” भन्दै स्थानीय प्रशासन र सम्बन्धित निकायले तत्काल क्षतिपूर्ति उपलब्ध गराउन आग्रह गरेक छन ।
बाजुरामा पछिल्लो समय चितुवा तथा बाघ जस्ता वन्यजन्तुको गतिविधि बढ्दै गएको स्थानीयले बताएका छन् । जनधनको क्षति रोक्न वन कार्यालय, स्थानीय तह र सम्बन्धित निकायले आवश्यक कदम चाल्नुपर्ने उनीहरूको माग छ ।
वन्यजन्तुको आक्रमणपछि स्थानीय क्षेत्रमा त्रासको वातावरण बनेको छ ।
