धृष्ट प्रसाद न्याैपाने
लागुऔषध दुरुपयोग तथा ओसारपसार विरुद्ध सञ्चालन गरिएको प्रदेशस्तरीय अभियान–२०८२ को अवसरमा बाजुरा जिल्लाका युवा अभियन्ता प्रेम नेपालीलाई जिल्ला स्तरीय उत्कृष्ट युवा पुरस्कार प्रदान गरी सम्मान गरिएको छ । सुदूरपश्चिम प्रदेश सरकारअन्तर्गत सामाजिक विकास मन्त्रालयको प्रदेश युवा परिषदद्वारा आयोजित कार्यक्रममा नेपालीलाई रु. ५ हजार नगदसहित सम्मान–पत्र प्रदान गरिएको हो।प्रदेश युवा परिषदका अनुसार प्रेम नेपालीले बाजुरा जिल्लामा लागुऔषध विरुद्ध जनचेतना फैलाउने, जोखिममा परेका युवालाई सकारात्मक बाटोतर्फ प्रेरित गर्ने तथा विद्यालय र समुदायस्तरमा जनचेतनामूलक कार्यक्रम सञ्चालन गर्दै आउनुभएकाले उहँलाई योगदानको उच्च मूल्यांकन गर्दै उत्कृष्ट युवा पुरस्कारका लागि छनोट गरिएको जनाएको छ ।
सम्मान कार्यक्रममा बोल्दै आयोजक निकायका प्रतिनिधिहरूले लागुऔषधविरुद्धको अभियानलाई सफल बनाउन युवाको भूमिका महत्वपूर्ण हुने उल्लेख गर्दै प्रेम नेपालीजस्ता सक्रिय युवाबाट समाजले सकारात्मक बाटाे तर्फलिईने विश्वास व्यक्त गरिएकाे छ । सम्मान ग्रहणपछि प्रतिक्रिया दिँदै प्रेम नेपालीले आफूलाई प्राप्त सम्मानले थप जिम्मेवारी बढाएको बताउनु भयाे । उहाँले “यो सम्मान व्यक्तिगत उपलब्धिभन्दा पनि समाजलाई लागुऔषधमुक्त बनाउन गरिएको सामूहिक प्रयासको कदर रहेकाे बताउनु भयाे । आगामी दिनमा अझ सक्रिय भएर युवालाई सही दिशातर्फ डोर्याउने काममा लागि पर्ने उहाँकाे भनाइ रहेकाे छ ।
”प्रदेश युवा परिषदद्वारा प्रदान गरिएको यो सम्मानले बाजुरा जिल्लामा लागुऔषध ओसारपसार विरुद्धको अभियानलाई थप सशक्त बनाउने अपेक्षा गरिएको अभियान्ता प्रेम नेपालीले जानकारी दिनु भएकाे छ ।
