बाजुरा
बाजुरा स्वामीकार्तिक खापर गाउँपालिकाको १७औँ गाउँसभा अधिवेशन गाउँपालिकाको सभाहलमा भव्य तथा व्यवस्थित रूपमा सम्पन्न भएको छ ।
गाउँपालिका अध्यक्ष श्री भरत बहादुर रोकायाको अध्यक्षतामा सुरु भएको उक्त अधिवेशनमा गाउँपालिकाको समग्र विकास, आगामी नीति तथा कार्यक्रम, बजेटका प्राथमिकता तथा स्थानीय तहका विविध समसामयिक विषयहरूमा विस्तृत छलफल भइरहेको छ। कार्यक्रममा गाउँपालिका उपाध्यक्ष सुलोचना भण्डारी बुढा, गाउँसभाका सदस्यहरू, विभिन्न वडाका जनप्रतिनिधिहरू, कर्मचारी तथा सरोकारवाला निकायका प्रतिनिधिहरूको उल्लेखनीय उपस्थिति रहेको छ।
त्यसैगरी, कार्यालय प्रमुख तथा नि. प्रमुख प्रशासकीय अधिकृत श्री दयाराम जोशीले गाउँपालिकाको हालसम्मको प्रगति, प्रशासनिक अवस्था तथा आगामी योजनाका विषयमा जानकारी गराउनुभएको थियो। उहाँले सेवा प्रवाहलाई अझ प्रभावकारी, पारदर्शी र जनमुखी बनाउन आवश्यक पहलहरू अगाडि बढाइने बताउनुभयो।
अधिवेशनमा शिक्षा, स्वास्थ्य, कृषि, पूर्वाधार विकास, खानेपानी, सरसफाइ तथा रोजगारी सिर्जना जस्ता क्षेत्रलाई प्राथमिकतामा राख्दै योजनाहरू निर्माण तथा कार्यान्वयन गर्ने विषयमा विशेष जोड दिइएको छ। सहभागी वक्ताहरूले स्थानीय तहको विकासका लागि एकता, सहकार्य र उत्तरदायित्व आवश्यक रहेकोमा जोड दिएका छन्।
कार्यक्रममा पत्रकार तथा सुरक्षाकर्मीहरूको समेत उपस्थिति रहेको थियो, जसले अधिवेशनलाई थप व्यवस्थित र पारदर्शी बनाउन सहयोग पुर्याएको छ।
गाउँसभाबाट विभिन्न महत्वपूर्ण नीतिगत निर्णयहरू पारित हुने अपेक्षा गरिएको छ, जसले गाउँपालिकाको समग्र विकास र सुशासनमा थप टेवा पुग्ने विश्वास गरिएको छ।
स्वामीकार्तिक खापर गाउँपालिकाको १७औँ गाउँसभा अधिवेशन सम्पन्न
